காய் கனி மகத்துவம் – பூர்ணிமா ஸ்ரீராம்

நாம் அன்றாடம் சமையலில் பயன்படுத்தும் காய்கள், கீரைகள், கிழங்கு வகைகள், கனிகள் போன்றவற்றில் இயற்கையாக என்னென்ன நற்குணங்கள் உள்ளன என்பதை மேம்போக்காக எடுத்து சொல்லும் தொடராக இல்லாமல் சற்று ஆராய்ந்து நிறைய தகவல்களுடன் அறிவியல் பூர்வமான ஆதாரங்கள் சேர்த்து இந்த கட்டுரைத் தொடரை எழுதவிருக்கிறேன்.
 
ஒவ்வொன்றிற்கும் நற்குணங்கள் உள்ளது போல் ஒவ்வாத சில கூறுகளும் உடன் இருக்கும். அதையும் கட்டுரையில் குறிப்பிடவிருக்கிறேன். வாரத்திற்கு ஏழு நாட்கள், மிக எளிதாக ஒவ்வொரு நாள் ஒவ்வொரு காய் என நம் உடலுக்குத் தேவையானவற்றை எப்படிப் பங்கிட்டு உண்பது, எந்தெந்த காயை எப்படி சமைத்தோ, பச்சையாகவோ சாப்பிடுவது என எனக்குத் தெரிந்தவற்றை சொல்ல இருக்கிறேன். 

ஆங்கில மருத்துவத்தின் அடிப்படையில் குளிர்ச்சி, சூடு என்னும் பதம் கிடையாது ஆனால் நம் பாரம்பரியத்தில் அது கண்டிப்பாக உண்டு. உதாரணத்திற்கு மாங்காய் சூடு என நம் முன்னோர்கள் சொல்வார்கள் அதை நிரூபிப்பது போல மாங்காய் சாப்பிட்டால் சிலருக்கு சூட்டுக் கட்டி கொப்பளங்கள் போன்றவை ஏற்படும். புடலை, வெள்ளரி, சுரைக்காய் போன்றவை குளுமையான தன்மை கொண்டவை. சிலருக்கு சளி பிடிப்பது போன்றவை இவற்றை உண்ணும் போது ஏற்படும்.
 
பொதுவான அடிப்படையில் எதை சாப்பாட்டில் சேர்த்துக் கொண்டாலும் அளவாக வித விதமாக அனைத்து சத்துகளும் உடலில் சேர வேண்டும் என்னும் அடிப்படையில் நம் உணவினை தருவித்து உண்பதை வழக்கமாகக் கொண்டால் உடல் ஆரோக்கியத்தில் சிக்கலே எழாது. 

இந்தத் தொடரில்
 

1. கத்திரிக்காய் – இதில் பல வகைகள் உண்டு அத்தனை ரகங்களைப் பற்றியும் தவறாமல் எழுதுவேன்.
2. பாகற்காய்
3. பூசணி
4. பரங்கி
5. நெல்லி
6. சுரைக்காய்
7. அவரைக்காய்
8. பரங்கி
9. வாழைக்காய், வாழைப்பூ மற்றும் வாழைத்தண்டு
10. கொத்தவரங்காய்
11. சேனை
12. சேப்பக்கிழங்கு
13. உருளைக் கிழங்கு
14. கருணைக் கிழங்கு
15. முள்ளங்கி
16. கீரை ரகங்கள்
17. கேரட்
18. முட்டைக்கோஸ்
19. மல்லி
20. புதினா
21. கருவேப்பிலை
22. டர்னிப்
23. கோவக்காய் 
24. வாழைப்பழங்கள்
25. கொய்யாப்பழம்
26. நாவல் பழம்
27. சீதா பழம்
28. பனம்பழம்
29. வெள்ளரிப் பழம்
30. திராட்சைப் பழம்
31. மாம்பழம்
32. பலாப்பழம்
33. மாதுளை
34. சாத்துக்குடி
35. ஆரஞ்சு
36. ஆப்பிள் 

இப்படி ஏராளமான நம் ஊரில் விளையும் (வெளிநாட்டில் இருந்து நம் ஊருக்கு வந்திருந்தாலும் சரி) காய், கனி, கிழங்கு & கீரை வகைகள் பற்றி எழுதவிருக்கும் இத்தொடருக்கு வாசகர்கள் ஆதரவு தர வேண்டுகிறேன்.
 
வாய்ப்பு தந்த அகல் மின்னிதழ் ஆசிரியருக்கு நன்றியைத் தெரிவித்துக் கொள்கிறேன்
 
நட்புடன்
பூர்ணிமா