தீபாவளி வாழ்த்து - ஸ்ரீமதி சாந்தாதேவி, அக்குயோகா தெரபிஸ்ட், சென்னை

மழைக்காலத்தில் வந்திடும் ஐப்பசியின்
சிறப்பான தீபாவளி பண்டிகை
வரும் குளிர் பனி கால நோய்த்தடுப்பின்
தொட்டுத் தொடர்ந்திடும் வாழ்வியல் பாரம்பரியம்...
 
உடற்கடிகார அடிப்படையில் நுரையீரல்
நன்கு இயங்கும் விடியற்காலை நேரத்தில்
கபமறுக்கும் குறுமிளகும் வாதமறுக்கும் பூண்டும்
பித்தமகற்றும் அரிசியும் அழகூட்டி மென்மையாக்கும்
கருவேப்பிலையும் உடல் சூடு தணிக்கும்
வெந்தயமும் கலந்து
காய்ச்சிய நல்லெண்ணெய் தேய்த்து           

உடல் வனப்பு மேம்பட நலங்குமாவும்
கூந்தல் செழுமைக்கு சிகைக்காயும் சேர்த்து
நதிகளின் நீரோட்டமெல்லாம்
கங்கையின் சங்கமமெனும் ஐதீகத்தின்படி
கங்கா ஸ்நானம் செய்ய எண்ணெய்
குளியலின் பூரணபலனிற்காக வெந்நீரில் நீராடி
உண்ணும் பலகாரங்கள் செரிமானமாகவும்
குளிர்கால நோய்கள் நெருங்கா வண்ணம் காத்திடும்
சுகமான சுக்கு மிளகு திப்பிலி ஏலம் கருப்பட்டி நெய் சேர்த்து
கிளறிய தீபாவளி லேகியம் உண்டு
 
வகை வகையான இனிப்புகளும்
புதுவிதமான பலகார பட்சணங்களுடன்
பகிர்ந்துண்டு களித்து புத்தாடை அணிகலனுடன்
சூழல் சீர்கேட்டை கவனத்தில் கொண்டு
கவனமுடன் பட்டாசுகளிலும் வானவேடிக்கைகளிலும்
மகிழ்வித்து மகிழும் அனைவருக்கும்
தீபாவளி திருநாள் வாழ்த்துகள்!